حاله مصر بين الضمير وموت الضمير

مـــدونة اشـــعارى شعر وادب ,قصائد,شعر عاميه,شعر فصحى,نزار قبانى,فاروق جويدة,هشام الجخ,عمرو قطامش,معانا هتلاقى كل الشعراء

يوم الخميس اللى فات اللى هو كان يوم 7-7-2011

اليوم اللى كان قبل مظاهرة الثورة اولا دة

كنت مع اصحابى بنتمشى وقلنا نتفرج على ماتش الاهلى والمقاولون واهو نغير جو الشغل والخنقة

المهم اتفرجنا وتمام والماتش كان مولع والزملكوية متغاظين عشان كانوا خسرانين واتعدلوا والاهلى بينهى الموسم بمبارة كبيرة وفوز كبير جدا

المهم الماتش خلص والناس تمام وفرحانه ....

فجأة.... التحرير بكرة يجماعه..التحرير .. كلنا التحرير
وورق ومنشورات فى القهوة  ايه دة فى ايه ولا تعرف مين دول ولا تبع مين

المهم خدت ورقه وعارف ان بكرة مظاهرة كبيرة اللى هى الثورة اولا

المهم بقرا الورقه وبسالهم انتم مين تبع مين

شباب الثورة زينا

ولا عمرو موسى

ولا يكونش البردعى 

لالالا يمكن انتم تبع الاخوان

استنى يعم يمكن تبع ايمن نور

لالالا يبمكن السلفينلا يصحبى يمكن تبع ال 48 حزب الجداد

مهى البلد بقت احزاب

ياترا بلدنا اللى كانت ايد واحدة وحضارة 5000 سنة تبقى كدة 

العيب فى مين الناس ولا الحكومة ولا الجيش ولا ايه؟

قمت جاى مفسر ومحلل بسهولة  الموضوع

الحكومة :

ايوة فيها ظلم ظلمت سرقت نهبت رشاوى  كتير كتير بس زى مكان ليها وحش كان ليها حلو ومحدش ينكر  واللى ينكر مشفش وميعرفش

 الرئيس:

انا من محبين ومعارضين حسنى عارضته فى انه سمع بودان اللى حواليه وشاف بعيونهم ومكنش زى اول حكمة

معاه فى السلام اللى شفناه الطرق والكبارى وحجات كتير مبتبنش الا فى ازمة او حرب والناس متعرفهاش

عرضته فى اهماله التعليم والصحة بس مش منه من الناس اللى ماسكة وضميرهم الميت وكله عايز يكوش ويسرق 

الشعب:

مغلوب على امرة ههههه 

كلمة اكتر الناس

ادفع رشوى ليه يعم دة حرام م انا مغلوب على امرى

نبدا نعد سلبيات الشارع المصرى ونحكم مين السبب فى الاغلبيه

1- نبدا من زمان كدة ايام الفراعنة كان الشعب دايما بيطيع اوامر الملوك وبيسكت فتحس ان الشعب من 7000 سنة وهو كدة مش جديدة

2- تلاقى جزء يقلك اطيعوا اولى الامر منكم  ناس تقولك دة هو باطل قالوا هو اللى هيتحاسب مش احنا يعنى رجاله الدين كانوا خربنها

وكلهم بتاع قلنا وقال وكلام بس مفيش فعل 

3- الرشاوى فى كل  مكان هيقلك مهو بيقبض مرتب بسيط طيب لما وزير ياخد مليون عشان تسهيل مش عارف ايه

لما مدير ياخد كام عشان ايه مهو بياخد مرتب كبير واى حد مكانه ضميرة ميت ومعدوم هيهمة الفلوس من اى مكان بقى مش مهم حلال ولا حرام

4- البنات بقى وموضوع التحرش تلاقى بنت نازلة من البيت مش لابسة اصلا ومخبيه شعرها تقولك انا محجبة تستغرب تعرف ايه عن الحجاب واصوله طيب العيب دة فيها ولا فمين انا بقول العيب من الاول فى التربيه والبيت هتقولوا فى بنات كدة ومحترمة مظنش البنت اللى تقف قدام المرايه ساعه تتمكيج وميكب ولبس ضيق تعرض نفسها وف نفس الوقت محترمة فى تعارض رهيب 

5- التعليم فى مصر والارياف بما انى من المنصورة وجيت مصر فعندى طابع هنا وهنا سواء فى المدرسة او الدروس احب ابعت رساله لوزير التربية والتعليم قديم جديد اى واحد التعليم بايظ مش منك من اللى تحت قبل منك هنقول نظام الارياف ان هناك بيهتموا بالتعليم لو الواد غلط المدرس يضربة وابوه يكمل لكن مع شباب 25 الضرب للحمار طيب م انت لو شاطر مش هتنضرب ولو خايب ادخل حاجة على قدك تلاقى الطالب فاشل وميعرفش الالف من كوز الدرة ويدخل ثانوى عام دة عيب بقى التعليم الخاص كله لازم ينج سياسه المال اولا انا جايب ابنى يتعلم مش ينضرب ابنى هنا فوق الكل بفلوسى يحسسك ولى الامر انك عبد عندة او شاريك بفلوسة وطبعا ادارة اى مدرسة خاصة بتساعدة لان شغلها استثمارى ليس تعليمى ولو قسنا نسبة فشل الخاص من التعليم العادى هتعدى بكتير 

ندخل بقى جزء جزء

المدارس بين الريف والقاهرة والجيزة واسكندرية:

فى دراسه عملتها المدرسة فى المحفظات دى الحكومة كوسة بطيخ بامية مفيش بيبان مفيش شببيك ولا حممات ومدارس مشتركة بقى ومتقولش مع الانفتاح والثقفات والبلاوى وقنون عدم الضرب وممنوع تضرب مهما كان وقررات الوزراء اللى مبيشوفوش الا مدارس جردل سته ولا كوز خالته ولا خاتم عمه ولا الحجات اللى بيزورها كل سنة بس ميروحش غيرها ففهمين طبعا بتبقى ازاى ولازم اعلامنا الفاشل يجيبها لكن المدارس التانية شغل استثمار يقلك الفصل 40 طالب او 70 احيانا لازم الكل ياخد مجموعه  الحصة بتبقى ساعه تبقى نص وكبر يعم كل عيش وليله امه سودا اللى ميخدش مجموعه انزار بالرفد من المدير مهى مدرسة ابوه بقى يعنى نقول مدرسة فيها  50 فصل متوسط يعنى فيهم 70 طالب فى الفصل يبقى 3500 طالب الطالب بيقولوا 15 جنيه اجر رمزى طبعا واوقات 20 فى الشهر يبقى الفلوس 15*3500= 52500 طبعا محدش هيصدق ان دخل المدير الشهر بقارب 40 الف من المجموعات هنقول مش كله هيجى ومش النسبة كدة والمدرس الغلبان ليه نسبة 30% يعنى تيجى تحسبها هتشوف وطبعا مش اى مدرس المدرس الاول حوت المدرسة اللى يموت اى حد جديد ويطحنة  .

فى الريف مفيش كدة فى مدرس بيعامل ضميرة وبيشرح فى الفصل والله جاله دروس جاله مجاس ربك بيسهلو طيب بتاع المدينه فين ضميرة ولا الوزير عارف ان فى حجات من دى طبعا الميزنية بتروج بجنيه ولا بتاع ولا 5 جنيه بتكبر 15 واثبت ببقى .......وغيرة وغيرة وغيرة 

6- الطب ... كتير هيسال يعم م الحجات كلها عرفينها وتجارة الكلى وواحد دخل يشيل الزايدة شاله كليته اللى ينسى فوطة وافتكر انسانه زميلتى فى الجامعه عزيزة عليا كان ليها اخت زى القمر ربنا يرحمها بتعمل عمليه تافه جدا اللوز تموت بسبب دكتور تخدير ميكنش دكتور تخدير ومع قررات وزير الصحة اللى مش بيفهم ان ممنوع اى عمليه الا فى مستشفى لما تجيب ناس تفهم الناس هتروح يعم الوزير ياللى ربنا هيحسبك على ملاين من البشر ملهاش زنب فى جشعك وضميرك الميت .....

7- التموين والعيش ومشاكلة واننا عارفين الناس بتاخدة للطيور وغيرة مهو لو فى ضمير ونحس ان فى ناس معندهاش الا العيش دة بتاكلة حاف هنخاف ربنا  ونخاف  على بعض لو فى ضكير بقى ....

8- شدنى فى الورقه  بقى شوية مطالب الاول رفع الاجور الى 1200 جنية يعنى انت هترفع من 250 الى 1200 يعنى 950 هنقول اللى شغال فى مصر 40 مليون يبقى 40 *950=3800000000 تخيل يعنى ايه المبلغ دة يتاخد بين يوم وليله من اقتصاد بلد او مخزون البنك المركزى هنقول خلى اللى بيتكلم عاقل واللى سامع مجنون هلى تعقل واحد عندة ضمير وبيحب بلدة يرضى بكدة .....

9- بيقلك بقى النكته اللى محدش فهمها ائتلاف ال 48 حزب هههههه يعنى مصر بقى فيها 48 حزب غير ان فى تانى تحت الانشاء هنقول ايام النظام السابق كانوا مش كتير بس اللى اعرفة انا اسقط نظام مش برضوا اللى كان بيعرضوا سقط معاه لانه معملش حاجة فى عهدة لكن طبعا الحزب المنحل الوطنى جمع 5000 واحد عمل بيهم حزب جديد ومسمى جديد وحزب الوفد خد ناس من الوطنى والاخوان غير اسمه دة دليل على ايه مش سذاجة من الشعب وناس معندهاش ضمير ولا يهمها حال البلد ماشى ولا واقف فين الضمير اللى بينادو بيه ؟؟؟؟ غريبة

10- بيقولوا محكمة كل الظباط واعدامهم اللى اتسببوا فى قتل المتظاهرين لو انت واحد معندكش ضمير وبتنفذ امر واحد معندوش قلب اصلا هتقول احاكم مين متحاكم الراس تموت الفروع وانا بحى الظباط المحترمة اللى رمت البدلة لما سمعت اوامر الضرب ومش ضربت ومشفق على اللى موت اخوة وسال دمع عشان ضميرة كان ميت حتى لو متعدموش كفايه يكون كل يوم بكبوس الدم اللى سيله من غير زنب؟؟؟

11- بيطالبوا بمحاكمة واعدام حسنى ودة الغبى فهم ان قانون بلدك بيقول لو الحاله الصحية للمريض لا تسمح لا يعاقب وف اى بلد من العالم افهموا بقى وسيبوه وفوقوا للبلد وايه يقدمنا مش ياخرنا 

12- شعبنا شعب جعجعه قلنا ثورة قمنا بيها وكنت من الناس اللى فى الميدان وشفت الظلم قلنا نغير البلد هنا بقى النقطة هلى البلد اتغيرت وفى ايه وازاى نبص 

طوابير العيش: 

لسه زى مهى بالمشاكل والخناق والشتيمة ومفيش نظام 

النور:

العوميد مطفية ومفيش محليات ومفيش حد بيعمل حاجة واللى بينور بيطفى النور بليل

الزباله:

المشكلة الاولى فى مصر اكوام الزباله بقت على كل شارع كل مكان كل نصية كل حارة باب مدرسة قبل الثورة كانت قليله ملمومة الوقتى بقت عادى فين التغير ويقولو النظافة من الايمان هيقولوا الحكومة وحومة مين هتقدر تشيل من 85 مليون بيت الزباله من قدامهم 

التحرش :

قبل الثورة كالن وكان وكان مش عارف العيد وايه الوقتى البت مع ابوها يتثبت ويخدوها فين التغير مش يبتاع الثورة ياللى بتغير تغير دة الاول عرض اختك المسلمة وطبعا مش هنتكلم على البلاوى اللى حصلت فى التحرير ....

السرقة والبلطجة وقلة الادب والتثبيت وكل حاجة ظهرت بعد الثورة :

قدرتوا ياللى مهتمين بالسياسة ومصلحتكم تشوفوا الناس الاول وتحموهم  لكن زيكم زى اللى قبلكم صنف  واحد ..لا تعليق

الاعلام :
طبعا مش هننسى دور الاعلام الفاشل فى تاخيرنا 100 سنة عن دول العالم مش عشان وحش عشان محدش عندة ضمير ولا فكر للبلد

مكل ول العالم فيها كوسة بس مش قوى اعلامنا احنا بقى كان بيهتم بالفلوس قناه اغانى كليبات وسخة واللى اوسخ صحاب القنوات اللى بيعرضوها عشان يلموا فلوس بقى كله ضميرة اسمه الفلوس ...

13- سمعت انهم بيقولوا مليونيه وحملات الفيس بوك اطلاق مليون لحية مليون مش عارف ايه مليون ايه بقت موضة  وشعبنا فى الاستظراف مفيش اخوة اغرب شعوب العالم يخرج مليون يقولك احنا الشعب  طيب واللى فى البيوت دول ملهمش صوت  ولا معدومين ولا انتم ياللى فى التحرير عبرتوا خلاص عن ارادة امه هل يعقل ان نسبة صفر % تعبر عن امه حضارتها 7000 عام يعم حتى مجبتوش النص ور الربع اللى اعرفه ان عشان حد يتكلم بصوت الكل يبقى معاه تفويض من 51% ولا كلامى غلط  ياريت ياللى فى التحرير راعى ربنا وصحى ضميرك وفوق قبل الطيار غيرت كمل تغيرك مش ترجع للصفر تانى ...

14- بيقلوا الحكومة دة مش عجباهم عشان ابينلكم انهم ولا يفهموا اى حاجة وكلهم طالعين موضوع وخلاص مش دة عصام شرف الراجل اللى قال انا هنزل معاكم التحرير واعملكم وشاله حكومتين قبله ولا الوقتى بقى كوخة ومش حلو اصله مش بيعمل حاجة  ناس غريبة وياترا هنشيل كام واحد اصله مش بيعمل واحد فى اسبوع ولا شهر ولا شهور ناس طالبه تغير امة فى يوم وليله وربنا خلق الدنيا فى 6 ايام وايام بسنين من اللى عايشنها فوقوا بقى قبل المركب متغرق

اكيد معلومتى وصلت مشكلة الامة مش حكومة ولا غيره ولا نظام مشكلتنا هى الضمير وكله يراعى ضميرة

فالله تعالى قال لن يغير ما بكم حتى تغيروا ما بانفسكم اللى هو الضمير 

مش طالب المستحيل طالب كل واحد يقرا الموضوع يبص لنفسة وضميرة عايش ولا ميت