يارتنا ياقلبى ما عرفناه

يارتنا يا قلبى ماعرفناها كل يوم فى عذاب ولا عارف انساها كل ثانيه بحن لهواها نفسى أغمض وأفتح أكون معاها يمكن ياقلبى تكون قست وكمان نست بس ازاى نهون عليها وتقول ده حب فات واللى فى قلبى مات وسنينا اللى عشناها تبقى صفحه ويا الذكريات مش هيه دى اللى انت حلفت ليها انها أجمل واحده فى كل البنات ياما غنينا لعينها وفى حضنى سمعت احلى حكايات وبين ايديا عاشت وعلى ايدها قلبى مات

ازاى يا قلبى مشتاق لها وازاى بعد ما باعت نفسك ترجعلها هوه انت لسه مشبعتش الم كفياك ندم وعلى مين بتندم دى هيه اللى هجرت وبسمهاعلى سهمها وفيك وجرحت ويادوب غمضت عينك وقدرت وغدرت مشيت وبعدت اوعى تقولى تانى مش قادر انساها وانك هتحن لهواها انسى حتى يوم لقاها وانك ما عشتش معاها واحفر جوه منك انك قدرت تنساها افتكر عملت فينا ايه واحنا واياها تعبت تعبنا معاها فرحت ضحكنا لدواها نامت سهرنا لهواها عاشت وكنا فداها وبعدت وغدرت وفينا وجرحت وبقينا ضحاياها هتقولى لسه مش قادر انساها انت ايه حكايتك ويا الوجع مليون مره وشوشت الودع وفى كل مره تطلع خدع عملت علشانها البدع وانهارده جى تشكى اشكى الف مره وشوف مين يستمع بحلفك وحياة كل لحظة الم تعبت فيها اطرد من جواك كل اللى ليها وانسى حتى سلام ايديها علشان دلوقتى عرفنا اللى فيها انت دلوقتى مبقتشليها

مـــدونة اشـــعارى شعر وادب ,قصائد,شعر عاميه,شعر فصحى,نزار قبانى,فاروق جويدة,هشام الجخ,عمرو قطامش,معانا هتلاقى كل الشعراء