الى من احببت واحب
اليكى حبيبتى.....اكتب كلماتى
أ....أكتب اسمك يا حبيبى بحروف من الدهب والنور
ب....بحبك يا حبيبى من ساعة خلق آدم او يوم ما فار التنور
ت....تنور حياتى لما تقولى بحبك وتشرق سمايا بنور
ث....ثوانى فى قربك حبيبى تسوا فى عمرى شهور
ج....جوايا شوق ليك حبيبى يملا بحبى بحور
ح....حبيبى فى حبه ليا اقول كلام ما يتكتب فى سطور
خ....خايف حبيبى فى يوم لتبعد اموت انا دا انت الهوا والنور
د....دور حبيبى بين الخلايق تلقا حبيبك هو لجناينك سور
ذ....ذنبى حبيبى انى عشت قبل منك ايام ..سنين ...وشهور
ر....ربى هو اللى اعلم ما شفت فيها النور
ز....زيك حبيبى ما رئت عينى ولا حتى فى بنات الحور
س....ساعة لما رأيتك طار منى الفؤاد وزقزق فى اذنى صوت عصفور
ش....شاهد يا ربى انت وعالم انى بحبه أجبر بخاطرى دا انت كريم وغفور
ص.... صبايا كتير قبل منك شفت بس جمالك خلانى ألف وأدور
ض....ضيك انت يا حبيبى نور حياتى هو فيه زى حسنك نور
ط.....طال ليل سهادى فى حبك انت وشوقى ليك خلا حياتى حرور
ظ.....ظلام ليلى نور بحبك وبيك حبيبى تشرق حياتى بنور
ع....عارف حبيبى بحبك انت صبحت حياتى تطرح هنا وسرور
غ....غيرك انت ماليش حبيب وازاى تغيب لو غبت راح النور
ف....فرحى وسهرى ليلى وقمرى ليك انت يا عمرى وقلبى فى فلكك عمال يلف يدور
ق....قلبى لقلبك شوقى لحبك كغصن شجره وانت لقلبى جذور
ك....كوانى حبك فى قربك وبعدك قربنى منك عشانك أعدى بحور
ل.... لو تؤمر انت اجيبلك انت قلبى فى كفى او حتى شفطه من لبن عصفور
م....مين غيرك انت يا عمرى انت غير حياتى علمت قلبى يثور
ن....نورك حبيبى نور لى دربى نسانى جرحى بدل ظلامى لنور
ه....(d) دا اسمك وف قلبى رسمك بستان من ارق زهور
و....وربك انت جوايا انت خلتنى انت بحبك انت مجنون ألف وأدور
ى....يا فرح قلبى فى يوم ميلادك وأدعى ربى من كل قلبى يملا حياتك هنا وسرور
مـــدونة اشـــعارى شعر وادب ,قصائد,شعر عاميه,شعر فصحى,نزار قبانى,فاروق جويدة,هشام الجخ,عمرو قطامش,معانا هتلاقى كل الشعراء
ليست هناك تعليقات:
إرسال تعليق