انا وروفيدة

مـــدونة اشـــعارى شعر وادب ,قصائد,شعر عاميه,شعر فصحى,نزار قبانى,فاروق جويدة,هشام الجخ,عمرو قطامش,معانا هتلاقى كل الشعراء

انا وروفيدة

الحكايه بتبدأ من حوالى سنتين العفش بينزل من على العربيه النقل وانا واقف فى البلكونه وبسأل والدتى اللى كانت واقفه بتنشر الغسيل هو فى حد هيسكن هنا ولا ايه يا ماما قالتلى اه يا حبيبى دى الشقه اللى قصادنا وبعد اسبوع والدى بتنشر الغسيل بردوا وانا واقف جنبها بردوا بتقولى مش السكان الجداد وصولوا خلاص قلتلها يا شيخه قالتلى اه مرات الراجل عدت عليا النهاردة وسلمت عليها وعرفتنى بيهم قالتلى دى اسرة عندهم ولدين وبنت قولتلها خير خير فى الوقت داخرجت مامت الولاد من البلكون المهم الام ندهت لبنتها الحقيقه انا كنت اول مره اسمع الاسم داالام بتنده يا روفيده وطلعت روفيده من ورا الستاره فى حركه الافلام slowmotionوانا متنح تتنيحه سودا روفيده طلعت احلى من اسمها جميله جمال لا يوصف مش عارف ارفع عينى من عليها فضلت باصص ليها لما شفتنى انا وولدتى ابتسمت لوالدتى ولما شافتنى كأنها شافت عفريت وتمر الايام ومشكلتى ان البلوكنه بتاعتنا تدخل من اوضتى علشان كدا فى اللااحه والجايا ابص اشوف روفيده واقفه ولا لاساعه لما الاقيها واقفه اطلع البلكونه مرة اعمل نفسى بتكلم فى التليفون او بشم الهوا مثلا مع الدنيا تراب وعفر او بلعب عشره ضغط اى تلكيكه والسلام الغريب انها كانت لما تشوفنى تدخل جرى على جوه لكن بعد فتره لاحظت انها مش بتدخل اول ما تشوفنى وكانت بتفضل واقفه هيا كمان بقيت فى عز الشمس اقف لحد لما اعرف واجيب جاز فى عز البرد واقف بتكتك من البرد واقف بالساعات بدام روفيده واقفه ارمى نظره ابتسامه اشاور وكانت هيا بتكتفنى بالابتسام وعلامات الخجل وف يوم من زوات الايام بشاورلها شاورلتلى بقيت هطير من الفرحه روفيده شاورلتى يا جدعان قعت اتنطط على السقف لحد لما جه يوم وانا راجع من الكليه شوفت والدتى واقفه مع مامتك روفيده وطبعا روفيده كانت واقفه لقيت نفسى بجرى زى شخصيات الكرتون نصى الفوقان سابق نصى التحتانى لحد ما بقيت عندهم عرقان طبعا وبنهج وحالتى حاله نزلت عليهم زى الباراشوط ازيك يا ماما ازيك يا طنط عاملين ايه بصيت لروفيده كانت بصالى وبتضحك كانت زى القمر فى اليوم دا قولتلها ازيك يا روفيده كان رد فعلها غير متوقع بالمره كانت صدمه حقيقى بالنسبه ليا لقتهعا بتمد اديها وبتسلم عليا وبتقولى الحمد لله ازيك انته قمت مسلم عليها وقولتلها الله يسلم قلبك يا روح قلبى روحت بايس اديها وقولتلها انتى عندك كام سنه بقى قالتلى 3 سنين ومن الوقت دا بقينا انا وروفيدة اصحاب وبنلعب مع بعض ايه مالكو كدا تنحتوا ليه اوعواا تكونوا فكرتوا حاجه تانيه لا شكلوا فكرتوا حاجه تانيه شوفتوا بقى ان بعض اثم